شهيوات لالة مولاتي Lala Moulati ميد راديو

Chhiwat Ramadan Lala Moulati
شهيوات لالة مولاتي Lala Moulati ميد راديو
اليوم نقدم لك سيدتي على موقع لالة سناء هذه الوصفات الرائعة المقدمة من بنامج شهيوات لالة مولاتي Lala Moulati ميد راديو ، لالة مولاتي برنامج المرأة و الطفل يقدم شهيوات لالة مولاتي ..

Chhiwat Ramadan Lala Moulati , Ramadan Chhiwat Lala Moulati , Lala Moulati Medradio
سلوى من مراكش تقدم بريوش بيتزا و بسطيلة بدجاج و الفرماج Lala Moulati

مكونات و طريقة تحضير بريوش بيتزا من برنامج لالة مولاتي
Lala Moulati

قياس فورص لي بغينا
كاس حليب كبير
معلقة زبدة
خميرة معجونة
ملح
شوية زعتر
نعجنو العجينة عادي وندلكوها ونديرو منها خويرات
ناخدو مول مدهون ونستفو فيه الكويرات ونخليوهم ارتاحو
ناخدو مطيشة الحك 3 معالق تقريبا نديروها فمقلة نزيدوها شوية ماء و ملح و ابزار و سكر ونخليوها تغلا شوية نزيدو شوية زيت العود ونخويوها فوق دوك الكويرات ونكونو موجدين حتى البصلة
ناخدو البصلة مشلضة ومحمرة في المقلة مع شوية زيت وملح و ابزار نخويوها من فوق مطيشة حتى هي
ناخدو كاشير نحكةه حتى هو من الفوق و ناخدو طون نديروه حتى هو و نخليوها تخمر شوية وندخلوها طيب بعد ما رشينا بشوية زيت البلدية وندخلوها طيب فاش تقرب طيب نخرجوها وندردرو عليها شوية الفرماج محكوك و بالصحة و الراحة

مكونات و طريقة تحضير بسطيلة بدجاج و الفرماج من برنامج لالة مولاتي
Lala Moulati

ناخدو دجاجة القياس لي بغينا تقطع قطع صغيرة ونصبوها نصاب عادي بحال الى غادي نطيبو دجاج مع شرمولة و البصلة
نقطعو البصلة ونديرو سكنجبير و لبزار و قبيطة قزبر و زيت رومية و بلدية و نزيدو شوة الماء نخليوها طيب فاش نحسو بالقطع طابو ديال دجاج ناخدوهم ونخليو البصلة كا تشحر حتى تنشف فاشتنشف نضيفو ليها دجاج لي فرتتنا نضيفوه لديك البصلة حتى ياخود شوية لدة البصلة نخليوها على جنب تبرد شوية
ناخدو وراق البسطيلة نستفوهم فمول عادي ونديرو الفرشة الاولى ديال دجاج ودغميرة من بعد نزيدو تفريشة ديال فرماج كاري سندويتش نديرو تفريشة منو ونسدو عادي وندهنو الوجه ديال البسطيلة وندخلوها طيب فاش طيب نحكو عليها الفرماج وندخلوها تاخد شوية اللون ونخرجوها ونزينو حسب الرغبة و بالصحة و الراحة

سعاد من تزنيت تقدم بسطيلة بشعرية ديال سفة و بريوات بشعرية صينية Lala Moulati

مكونات و طريقة تحضير بسطيلة بشعرية ديال سفة من برنامج لالة مولاتي
Lala Moulati

كيلو لاروب شعرية مفورة ديال سفة ديك رقيقة مفورة و مرشوشة بالحليب ماشي الماء في الاخير نديرو فيها معلقة زبدة و القرفة و شوية سكر نخليوها على جنب ناخدو دجاجة نصبوها نصيب البسطيلة و شوية زعفران حر و ليبزار و ملح و شوية زيت و 2 كيلو بصلة مقطعة مشنفة و شوية معدنوس نشحروها ونزيدو عليها ديك 2 كيلو بصلة لي شنفنا نخليوها حتى طيب ونهزوها نخليوها حتى تبرد ونقطعوها طريفات ونفرتتوها ناخدو ديك دغميرة نبقاو نحركو فيها بمعلقة خشبية و نخليوها تختار مزيآن ونزيدو عليها 3 معالق سكر و نزيدو شوية القرفة حتى توقف تولي قهوية
و عدنا نصف كيلو اللوز نصف ديالو مطحون مع مسكة حرة و شوية سكر و زبدة دايبة ونخليوه على جنب
شعرية لي فورنا ناخدوها ونخدو 7 بيضات نطربوهم ونخلطوم مع شعرية
ناخدو لمول ونفرشو ورق اليمينيوم ونفرشو من فوقو ورق الزبدة و نخويو نصف من شعرية ديال السفة نصاوبوها بحال الى درنا ورقة البسطيلة نطلعوها شوية من جناب ونخويو دغميرة ونزيدو من فوق دجاج ومن فوق دجاج نخويو الباقي من الشعرية نقاد كولشي مزيان ونغطيوها وندخلوها طيب فاش نحسوبها طابت نعريو عليها الوجه نخليوها تحمر

مكونات و طريقة تحضير بريوات بشعرية صينية من برنامج لالة مولاتي
Lala Moulati

ناخدو القيمرون اتشحر مع معلقة زبدة ونصفيوه لحقاش كاي طلق الماء وداك الماء غادي نحتاجوه هو فاش غادي نصلقو شعرية بعد ما نزيدو عليه كاس ماء ديال العنبة باش تطلق تة القمرون
ناخدو نصف حامضية مصيرة نقطعوها رقيقة مزيان
ناخدو كاس عنبة ديال زيتون بلا عضم
2 معالق ديال المعدنوس
شوية ابزار
شوية تحميرة حارة
معلقة هريسة
معلقة زبدة ناخدو كولشي هادشي نديروه في اناء ونخلطوه مع القمرون و شعرية صينية و كاس الفرماج
ناخدو الورقة نخدو شوية من الحشوة ومن فوق الحشوة نديرو الفرماج ونبقاو نلفو نطيبوها في الفران و بالصحة و الراحة

لطيفة من الدار البيضاء تقدم دجاج المناسبات

مكونات و طريقة تحضير دجاج المناسبات من برنامج لالة مولاتي
Lala Moulati
فغسيل الدجاج نغسلووه ونقيوه من شحمة ونحكوه مزيان بلملح فاش نكملو العدد ديال الدجاج نغسلوه ونجيبو بانيو نديرو فيه دجاج و نحكو فيه الحمامض في الحكاكة الغليضة بالقشرة بكولشي ونجيبو طريفات البصلة و الخل و الملح و عود سكنجبير نحكوكه ونبقاو نفركو حتى نشوفو داك دجاج بياض ونبقاو نفركو ونغسلو.

في الاخير نمرمدوه فدقيق حتى نكمول كاع دجاجات نخليوه شويةعاد نشلوه ونخلليوه اتسقطر ونحضرو ليقامة ديالو فيها
قزبور ومعدنوس و تومة و ليبزار ابيض و اسود و سكنجبير و بسيبيسة و خرقوم بلدي و زعفران و لبلبة حامض ولحامض معصر شوية سنيدة و سمن نخلطو هادشي كامل فشي اناء ونمرمدو داك دجاج مزيان فديك ليقامة دخل ليه ونربطو دجاجات نديرو في طنجرة على الصدر دياو و نعصرو من الفوق الحامض ونبيتوه ونخليوها حتال صباح فاش نبغيون نصبوه نشعلو عليه حتى اتقلا عاد نزيدو البصلة و زيت مروزية و البلدية ونبقاو نتقبوه مرة مرة فاش اطيب هزوه نحيدوه نخليوه حتى ابرد شوية عاد نحيدو ليه الخليط ونخليوه في لاطة
نمشيو للطنجرة لي درنا فيها المرقة كا طيب.

غادي تكون عدنا البصلة مشلضة مضحرة في زبدة عاد نديروها في المرقة ونزيدو قشيوشات دجاج و زيتون و الحامض اكون طايبين بوحدهم و ناخدو كاسرونة نديرو فيها شوية عسل و سمن و زعفران ونسخنوه على العافية شوية وندهنو بها دجاج
وندخلوه اطيب فاش اطيب نقدموه مع لمريقة ومزين بزيتون و الحامض و بالصحة و الراحة

0 اتركي تعليقا ::

إرسال تعليق

 
موقع لالة سناء © | جميع الحقوق محفوظة Copyright © 2013 | سياسة الخصوصية | شروط الاستخدام | اتصل بنا |
;