وصفة مجربة لتطويل وتقوية الشعر وتمنع التساقط وصفة فعالة

موقع المرأة المغربية و العربية بإمتياز "موقع لالة سناء" نقدم لكم جديد الوصفات الطبيعية و التجارب الناجحة للحفاض على جمالك الطبيعي.

تذكير بأهم الوصفات الطبيعية السابقة :


اليوم نقدم لك وصفة لتطويل وتقوية الشعر وتمنع التساقط وصفة فعالة

وصفة مجربة لتطويل وتقوية الشعر وتمنع التساقط وصفة فعالة

لبنات اليوم جبت ليكم الدواء ديال الشعر وهي وصفة فعالة وأنا كنستعملها مدة عام خصوصاً أن شعري كان عكز ومبقاش كيطوال وقلتها للناس اللي كنعرف اللي جربها كيدعي معايا بزوج صالح ههههه إيوا نقولها ليكم.

مكونات وصفة لتطويل وتقوية الشعر وتمنع التساقط

- 1 درهم سانوج  
- 3 دراهم لوز الحار
- قبطة سواك حار
- 30 ريال حديدة الحمراء
- السنبل تكرميه وتطحنيه
- ضرس صغير ثومة بقشرته
- 10دريال حرمل
- درهم حب رشاد
- درهم جنجلان
- درهم زريعة الكتان 

طريقة تحضير و إستعمال وصفة لتطويل وتقوية الشعر وتمنع التساقط

المواد كاملة تسخن في مقلة وتطحن مزان تتنيل إلا الحديدة الحمراء كتدق فالمهراز والسواك كيتقسم طراف ويتطحن في مكينة العطرية كنخلطو كلشي مزيان ونقسموه حيت كيجي كتير ؛كنسخنو زيت العود مزيان وكنخويو فيها الخليط ونحكو التومة ونحركوه شوية حتى يطبخ ونخلوه يبرد ويدار في قرعة ونبداو ندهنو الشعر بالزيت وملي تبغي تمشي لحمام هزو من الخليط سخنية ودهني شعرك وبقاي 5ساعات أو أكتر وسيري لحمام =مثلا رابعة الزيت فيها 2معالق كبار الخلطة تقريبا وعاوتاني راك عارفة عينك ميزانك أنا كندير بلا عبار, ممكن تزيدو زيت الخروع .زيت اللوز . زيت لافوكا تخلطوهم مع الزيت العود )أنا مرة كنديرهم مرة لا ) ملحوضة مكن تشوفي شعرك كيطيح اليومين الأولين من إستعمال الدواء ولكن عادي هدوك غير الشعرات الضعاف بعد 2أسابيع تلاحضي الفرق.

إيوا طولت عليكم ولكن راه باش يكون داكشي مضبوط إيوا جربوها وشي دعيوات زوينين بحالكم ماشي تشوفو وتمشيو هههه شجعوني نجيب ليكم وصفات رائعة على "موقع لالة سناء" خليت ليكم الراحة.

13 اتركي تعليقا ::

rabab sousi يقول...

chokran ahbiba ranjrbha nchalah ana bagha cha3ri itwal

fatima-ezzahra fahmane يقول...

khti chnahoa sonbol?

fatima-ezzahra fahmane يقول...

chnahoa akhti sonbol?

Soukaina Elouzni يقول...

chokrane bzaaf 3la lwasfa hta ana bghit njrbha hit ch3ri 3gez o mabghache ytwale mazal .ri bghit n3ref wach makaytbdelch loune dyale che3are hit swake y9der ytle9

karim hamouch يقول...

Allah yhfdak ou ytwal 3mrak

noni inasse يقول...

ماهو السنبل وما معنى تكريمه وضحني ياختي ومنيني نقدر نجبوه واش عند عار حتى هو وشكرا

salwa يقول...

انا مش فاهمه الكلام ياريت يبقى باللغة العربيه الفصحى

pedrson many يقول...

ممكن وصف بالشرح اللهجة المصرية لانى للاسف مش فاهمة حاجة ولكم خالص الشكر

moroko mouàd يقول...

شكرا انا جديدة عندكم في الموقع اول مرة ادخل اليه ولكن لدي مشكلين مشكلي هو ليهرب لي الشعر في الامام ومشكل ابنتي هو حب الشباب كتعصر وخلا ليها اطراس خايبين بليز عونوها راها في سن المراهقة مكتحملش تشوف هادوك البقع الله ايجزيكم بخير

lina amina يقول...

ممكن المكونات باللهجة الجزائرية

oumaima essadky يقول...

wach had wasfa katghayar lon ch3ar jawboni 3afakom

azera يقول...

راني حوست على الحديدة الحمراء و لقيت باللي فيها مواد سامة بكثرة مثل الرصاص و الزرنيخ

amal flor يقول...

ممكن ادري صور مع اسماء اعشاب الطبيعية بش نعرفهما وشكر علىى كل الوصفات الرائعة

إرسال تعليق

 
موقع لالة سناء © | جميع الحقوق محفوظة Copyright © 2013 | سياسة الخصوصية | شروط الاستخدام | اتصل بنا |
;